നാട്ടുവേലിത്തത്ത നാട്ടുമ്പുറക്കാരാണിവര്‍. വാഴക്കിളി എന്ന വിളിപ്പേരുമുണ്ട്. വാഴത്തോപ്പുകള്‍, നെല്‍പ്പാടങ്ങള്‍, തുറസ്സായ പ്രദേശങ്ങള്‍, കുറ്റിച്ചെടികള്‍ നിറഞ്ഞ സ്ഥലങ്ങള്‍ എല്ലാം നാട്ടുവേലിത്തത്തയ്ക്ക് പ്രിയപ്പെട്ടതാണ്. ഇവിടെയെല്ലാം മിക്കവാറും ഇവയെ കാണാം. എങ്ങനെയാണ് ഇവ കണ്ണഞ്ചിപ്പിക്കുന്ന നിറക്കാരാവുന്നത്? നാട്ടുവേലിത്തത്തയുടെ നമ്മള്‍ കാണുന്ന ഭാഗം പച്ചനിറത്തിലാണ്. വെളിച്ചമേല്‍ക്കുമ്പോള്‍ ഇവയ്ക്ക് തിളക്കം കൂടുന്നതുപോലെ തോന്നിക്കും. പച്ചയെ വെല്ലുന്ന മറ്റൊരു നിറം കൂടി തൊട്ടടുത്തു തന്നെയുണ്ട്. അത് ചെങ്കല്‍ നിറമാണ്. തലയുടെ മുകളില്‍ ചുണ്ടു മുതല്‍ കഴുത്തുവരെയാണിത്. വലിയ തൂവലുകളില്‍…